Egin lan gurekin

Itzuli

REF: RBLE- PROFCORPORALES Kalte Pertsonalen Profesionalen Arduraduna

2025-09-16

Auzitegi-medikuntzako espezialitatea duen medikua edo Gorputz Kaltearen Balorazioko masterra duena bilatzen dugu.

Gutxienez hiru urteko esperientzia arlo horretan.

Eskatzen da:

Eginkizunak

• Kalte pertsonalen ezbeharren kudeaketan parte hartzen duten TPArekiko eta beste hornitzaile batzuekiko harremana kudeatzea.
• TPAren errendimendua gainbegiratzea, adostutako epeak eta kalitate-mailak betetzen direla bermatuz.
• TPArekiko kontratu-akordioak betetzen direla zaintzea, ebazpen-epeak eta zerbitzuaren kalitatea barne.
• TPAren eta beste hornitzaile batzuen -batez ere sanitarioen- eragiketen aldizkako auditoriak egitea, aseguru-etxearen igurikimenak betetzen direla ziurtatzeko.
• TPArekin kontratuen negoziazioan parte hartzea, arduradun hierarkikoari laguntza emanez, zerbitzuaren baldintzak, penalizazioak eta kostuaren hobekuntzak barne.
• Hornitzaileen kudeaketa hobetzeko aukerak identifikatzea, kostuak eta efizientzia operatiboa optimizatzeko.
• TPAk parte hartzen duen prozesuak sakontasunez ezagutzea; eta ekintzak proposatzea eta inplementatzea, prozesuak optimizatzeko, efizientzia hobetzeko eta bezeroaren gogobetetasuna handitzeko.
• Prestakuntza-premiak identifikatzea eta gaikuntza-saioak antolatzea.
• Hornitzaileen eta aseguru-etxearen arteko arazoen eta desadostasunen konponketa koordinatzea.
• Hornitzaileen txostenak aztertzea, eta errendimenduari eta hobekuntza-arloei buruzko barne-txostenak sortzea.
• Merkatuaren ezagutza sakona izatea, joerak xehetasunez aztertzea, jardunbide egokienak eta berrikuntzak proaktiboki identifikatzea, eta etorkizuneko langileak eta ordainsariak negoziatzea, bikaintasuna eta lehiakortasuna bermatzeko.
• TPAren eta barne-arloen (iruzurra, ezbeharrak, finantzak) arteko komunikazioa koordinatzea, ezbeharrak efizientziaz konpontzen direla bermatzeko, bai eta Lagun Arok lesionatuak kudeatzeko aktibatuta izango dituen gainerako zirkuituekin ere.
• Perituekiko harremana koordinatzea, balorazioetako kalitate-estandarrak eta erantzun-denborak betetzen direla ziurtatuz, eta sarearen kudeaketa egokia bermatzea, profesionalak aseguru-etxearen barne-prozedurekin eta igurikimenekin lerrokatuta daudela ziurtatuz.
• TPAri laguntzea; alde batetik, perituen balorazioak ezbeharren kudeaketa- eta izapidetze-fluxu orokorrean integratzeko, eta, bestetik, perituen, aseguratuen, TPAren eta inplikatutako beste alderdi batzuen arteko edozein gatazka edo desadostasun kudeatzeko eta konpontzeko.
• Lankidetzan aritzea kalte pertsonalen taldearekin balorazioen kudeaketan ohiko izapideen edo hitzarmeneko izapideen bidez (TIREA - CAS bidez kudeatzen da).
• Bizitza Produktuaren Sailarekin lankidetzan aritzea arriskuak hautatzeko garrantzi handiko patologia-aitorpenetan, bai Bizitzarako bai Banakako istripuetarako. Kontratazio ohikoenetatik ateratzen den edo berezitasun oso zehatzak dituen alderdi oro berrikustea, arriskuak hautatzeko teknikekin batera.
• Gai medikoei buruzko iruzurra detektatzen laguntzea. Aurkeztu beharreko dokumentazioa prestatzea, aseguru-etxearen posizioa justifikatzeko.
• Ezbeharra izapidetzen lagungarri izan daitezkeen kanpoko hornitzaileak bilatzea eta hautatzea: trafiko-istripuak berreraikitzen dituztenak, detektibeak, grafologoak, abokatu prokuradoreak edo peritu medikoak.
• Hornitzaile horien zerbitzuen harrera kontrolatzea, emandako txostenak definitutako irizpideak eta eskatutako premiak betez egiten direla bermatuz.
• Hornitzaileei egoztekoak diren desadostasunak erregistratzea, aztertzea eta ebaztea, eta betetze-maila eta eraginkortasuna ebaluatzea.
• Hornitzaileak desadostasunak konpontzeko proposatutako ekintzak aztertzea eta erabakiak hartzea. Epeak eta kalitateak ez betetzearen inguruko arazoak identifikatzea eta zerbitzuaren zehaztapenen arabera egiten ez diren alderdiak zuzentzea.

Eskaintzen da:

Soldata finkoa (55.000-65.000 euro), Ordainsari Aldakor Indibiduala, Ordainsari Aldakor Kolektiboa, Telelana eta bestelako onura sozialak.

Eskaintza honetarako izen ematea